Argjirolajm.net publikon videon e një vjedhje brenda një supermarketi në zonën e njohur si ura e lumit në Gjirokastër. Dy vajza teksa kanë hyrë në supermarket si klientë të zakonshëm kanë gjetur pranë rafteve edhe një aparat celulari, i cili i kishte rënë aty një tjetër klienti të mëparshëm. Vajzat e kanë parë celularin, e kanë afruar me këmbë dhe e kanë marrë me vete.
Normalisht do duhej që ky send të dorëzohej tek punonjësit e kasës së supermarketit, por vajzat nuk vepruan kështu duke “harruar” ndërkohë se ambienti vëzhgohej nga kamerat e sigurisë. Ngjarja ndodhi një ditë më parë në orën 10:34 minuta sipas videoregjistrimit nga kamerat e sigurisë.
Denoncuesi që ka dërguar videon tek Argjirolajm.net kërkon nga vajzat që t’i kthejnë mbrapsht celularin, i cili thotë ai, ka brenda materiale e kontakte të rëndësishme përveç faktit që është pronë e tij. Personi në fjalë iu bën apel vajzave që ta dorëzojnë celularin tek supermarketi ku e gjetën, në të kundërt do ta ndjekë çështjen në rrugë ligjore. Shihni videon dhe fotot që publikon ArgjiroLajm.net
