Ditën e sotme dhjetëra minoritarë grekë dhe të ardhur nga vendi fqinj, u mblodhën në një ceremoni përkujtimore në varrezat e ushtarëve grek në Këlcyrë me rastin e fest’s Kombëtare të JO-së në Greqi.
Të pranishëm pranë memorialit të ushtareve të rënë në Shqipëri gjatë luftës, italo- greke, ishin edhe ambasadorja Sofia Filipidu dhe Zëvendësministri i Jashtëm grek Andresa Kasanjotis, si dhe kreu i PBDNJ, Vangjel Dule.
Kreu i PBDNJ, Vangjel Dule foli rreth vrasjes së Konstantinos Kacifas, ku sipas tij, prokuroria nuk po thotë të vërtetë lidhur me këtë ngjarje.
“Prej ditës tragjike jam shprehur dhe vazhdoj të shprehem: është vetëm e vërteta ajo që shëron dhe e vërteta nuk na është treguar. Çdo truk që përdoret nga prokuroria apo media nuk ka asnjë fakt të se vërtetës. Prokuroria thotë u vetëvra ndërsa policia ditën e ngjarjes thotë u vra. Kë të besojmë?’, deklaroi Dule.
