Në një ditë të vetme, pas xhiros së parë në Evropë, Superiores i largohen dy nga “xhevahirët” më të çmuar, dy lojtar me shumë klas si Kevin Dodaj dhe Serxho Ujka. Talenti i Vllaznisë u largua me nder nga Shkodra, ku në ndeshjen e fundit kundër Daugavpils realizoi një gol dhe dhuroi një asist duke qenë përcaktues për kualifikimin e kuqebluve në raundin e dytë të Conference League.
Vllaznia bën “bingo” me Dodajn, pasi sulmuesi jo vetëm i dha një dorë në këtë kualifikim jetik, por mbush edhe arkën e klubit. Vllaznia do të përfitojë nga shitja e Dodajt tek CSKA e Sofjes afro 450 mijë euro, plus arritën të mbajnë edhe 15% të kartonit.
Nga Superiorja largohet jo vetëm Dodaj, por dhe mesfushori i Egnatia, Serxho Ujka. Ndryshe nga Dodaj, Ujka nuk ishte në fushë në atë eliminim të turpshëm që Egnatia pësoi përballë Breidablik. Mesfushori kuqezi bën një hap të madh në karrierën e tij teksa transferohet në elitën e futbollit belg, tek ekipi i Zulte Waregem. Ujka firmosi një kontratë deri në 2027, me opsioni rinovimi edhe për dy të vite të tjera.
(BalkanWeb)
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
