Vargan makinash drejt jugut, banorët nga frika e tërmetit i largohen Tiranës dhe Durrësit (VIDEO)

Tirana dhe Durrësi janë zonat më të pasigurta sa i përket lëkundjeve të tërmetit në këto 24 orë të fundit. Për t’iu shmangur panikut dhe frikës, qytetarë të shumtë kanë zgjedhur t’i largohen këtyre qyteteve. Një pjesë e madhe e tyre po i drejtohen qyteteve të jugut. Argjirolajm.net sjell pamjen e autostradës Durrës-Rrogozhinë mbrëmjen e sotme, ku sic shihet ka një vargan të gjatë automjetesh që po ikin drejt jugut të vendit. Gjatë gjithë ditës së sotme ka pasur lëkundje në Tiranë e Durrës. Po kështu u regjistruan lëkundje edhe mbrëmjen e sotme.