Lideri i opozitës ruse dhe një kritik i presidentit Vladimir Putin, Alexei Navalny ka ndërruar jetë sipas shërbimit të burgut.
“Më 16 shkurt 2024, në koloninë korrektuese nr. 3, i dënuari AA Navalny nuk u ndje mirë pas një shëtitjeje, pothuajse humbi vetëdijen.
Menjëherë kanë mbërritur punonjësit mjekësorë të institucionit dhe është thirrur ekipi mjekësor i urgjencës.
Janë kryer të gjitha masat e nevojshme reanimuese, por nuk kanë dhënë rezultate pozitive. Mjekët e Urgjencës kanë konfirmuar vdekjen e të dënuarit”, thuhet në një deklaratë.
Navalny u arrestua në vitin 2021, pasi u shërua nga një tentativë vrasjeje me helm që ka qenë e lidhur me shërbimin e sigurisë FSB të Moskës.
