Kryebashkiaku i Tiranës, Erion Veliaj, ishte mbrëmë në “Opinion” për të folur për shembjen e Teatrit Kombëtar.
I pyetur nga Blendi Fevziu se përse nuk u dëgjua opinioni i Europa Nostras, për të mos e shembur këtë objekt, Veliaj tha se Europa Nostra që trumbetohet me të madhe është thjesht një organizatë.
“Europa Nostra kurrë nuk na ka shkruar zyrtarisht me një ofertë financiare për restaurim të Teatrit Kombëtar dhe s’ka se si ta bëjë këtë gjë sepse është thjesht një OJF, e cila në dy raste ka dalë bllof. Propozimin e Teatrit Kombëtar tek Europa Nostra e ka bërë Fondacioni “Gjirokastra” që ka një hostel në Gjirokastër”, tha kryebashkiaku Veliaj.
Fondacioni “Gjirokastra” drejtohet prej vitesh nga Sadi Petrela.
©argjiroja.net
