Kreu i SYRIZA-s në Greqi, Stefanos Kasselakis ka zhvilluar një takim në zonën e Dropullit. Ndalesa e parë e tij në shkollën e Bularatit me drejtues të Zyrës Arsimore Finiq-Dropull.
Në takim është i shoqëruar nga konsulli grek në Gjirokastër Dimitrios Sacharidis, kryetari i bashkisë Dropull Dhimitër Toli. Kreu i SYRIZA-s kishte marrë me vete në ketë takim edhe partnerin e tij, Tyler McBeth. Kujtojmë që Kasselakis ka deklaruar hapur homoseksualitetin e tij.
Gjatë këtij takimi të parë ai u njoh me një ekspoze të arsimit grek në zonën e minoritetit dhe problemet e tyre.
Turi i takimeve paraelektorale nisi nga Janina. Herët në mëngjes Kasselakis zhvilloi takim në Kallpaq të Janinës dhe do të vijojë takimet në zonën e Dropullit.
