Nga dita në ditë te Luftëtari priten përforcime, pasi ekipi ka nevojë të kompletohet për përfaqësimin historik në Europa League. Ka pasur disa largime, ndërkohë që stafi i ri teknik, me në krye trajnerin Milosh Kostiç, ka testuar shumë të rinj.
Për t’u testuar te Luftëtari ka ardhur dje edhe një lojtar nga Venezuela. Mësohetnnga burime pranë klubit se bëhet fjalë për një mesfushor të ri në moshë, i cili duhet të bindë trajnerin Kostiç për të qëndruar në Gjirokastër dhe për disa ditë do të jetë në provë. Nuk ka për momentin detaje të tjera për këtë lojtar, ndërkohë që tifozët presin me shumë kureshtje afrimet e vërteta, ato që do t’i japin kualitet skuadrës bluzi.
