Mes mungesash si shkak i pezullimeve dhe dëmtimeve, Edi Martini tek Vllaznia duhet të ndërtojë formacionin më të fortë të mundshëm për ndeshjen e rradhës ndaj Bylis.
Ku për kuqeblutë vlen vetëm fitorja në duelin e rradhës së javës të 16-të, kjo për të dalë nga kriza momentale e po ashtu synuar edhe njëherë kthimin në krye të Superiores. Kështu trajneri shkodran duhet të bëjë pa Elmando Gjinin në mbrojtje, i cili u ndëshkua me karton të kuq kundër Elbasanit dhe automatikisht mungon në takimin kundër mallakastriotëve.
Po ashtu një mungesë si shkak dëmtimi vijon të jetë Kristian Dros, me moldavin që vështirë do jetë edhe në stolin e shkodranëve. Kështu nga porta do e nisë si zakonisht Pohls, që tashmë është një pikë e fortë e formacionit kuqeblu. Në mbrojtje të sigurtë duken dyshja Gurishta-Bajrami, teksa për zëvendësuesin e Gjinit në prapavijë ka një balotazh mes Kuros dhe Pusit, ku i pari duket disi më i avantazhuar ndaj shkodranit.
Në mesfushë Krymi është ai që do mbulojë rolin e mesfushorit para mbrojtjes, i cili do ketë edhe Kallakun në këtë repart. Ndërsa ka një dyshim se kush prej Muratajt dhe Qatos do e nisë nga minuta e parë kundër Bylisit ditën e dielë. Nga krahët pritet të mos ketë surpriza ku në të djathtë do rreshtohet Kastrati e ndërsa majtas di rikthehet si titullar Jago. Sulmi do udhëhiqet si zakonisht nga Balaj, i cili ndaj Bylisit do kërkojë golin për t’i dhënë fund “thatësirës”. Ku kapiteni i kuqebluve pas shpatullave të tija do ketë edhe mbështetjen e Esat Malës.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
