Luftëtari, edhe pse me mungesa, nuk do të udhëtojë drejt Kukësit i dorëzuar. Përkundrazi, bluzinjtë do tentojnë që të marrim pikë në “Zeqir Ymeri”. Kjo garanci vjen nga vetë klubi, që me anë të zëdhënësit të saj, Rigels Malile siguron që do tentohet maksimumi.
“Gjithçka po shkon mirë, grupit i është bashkuar edhe Abazaj. Mungon Rexhinaldo, pasi është i angazhuar me Kombëtaren e Mozambikut. Ai është aktivizuar si titullar në fitoren 2-0 kundër Lesotos. Mesfushori Behar Ramadani është në fazën e fundit drejt rikuperimit. Gjithçka do të vendoset në momentet e fundit. Sulmuesi Pedro Bengui do të jetë pjesë e 18-shes dhe do të udhëtojë bashkë me ekipin të shtunën”, tha Malile.
Planet e stafit teknik i prish vetëm Rexhinaldo, i cili ndoshta vetëm sot vjen në Gjirokastër. Vetëm pasi afrikani t’i bashkohet grupit, trajneri do vendosë për formacionin./panorama sport
