Vrasja e tifozit grek në Athinë, arrestohen në Igumenicë 5 huliganë të tjerë nga Kroacia

Shkon në 6 numri i huliganëve kroatë të arrestuar nga policia greke pas vrasjes së tifozit të AEK në Athinë. Mësohet se 5 persona të tjerë janë arrestuar mëngjesin e sotëm në Igumenicë teksa po tentonin të merrnin biletë për në Itali e më pas të kalonin drejt vendit të tyre. Ndërkohë pasditen e djeshme u arrestua në Kakavijë një 19-vjeçar kroat i shpallur në kërkim për vrasjen e të riut grek. Ai po udhëtonte me një autobus drejt Shqipërisë për të vijuar më pas rrugën drejt Kroacisë. Pas arrestimit në Kakavijë 19-vjeçari është transferuar në Athinë. Vrasja e tifozit grek ndodhi një natë para ndeshjes mes AEK dhe Dinamo Zagrep. Për shkak të kësaj ngjarje UEFA anuloi zhvillimin e ndeshjes. ©argjiroja.net