Pas ngjarjes së sotme, ku u ekzekutua me armë zjarri 43 vjeçari, Alket Muhaj në Tepelenë, ka reaguar edhe deputeti i PD-së, Tritan Shehu. Përmes një reagimi në Facebook, Shehu, shkruan se ndihet i shokuar pas kësaj ngjarjeje, e cila tregon se shteti ka rënë.
Postimi i Shehut:
Si Deputet i Qarkut te Gjirokastres jam i shokuar nga vrasja makabre ne Rabije te Memaliajt e shkaqet e saj, qe tashme i gjen kudo te publikuara. Nje vrasje kjo e parapregatitur, e organizuar dhe e realizuar me snajper nga nje dore “profesionale”.
Ky makabritet tregon se jeta e cdo qytetari, e cdo kujt qe perpiqet t’i kundervihet sado pak kriminalitetit, eshte ne rrezik! Alket Muhaj, sipas te gjitha burimeve, ka denoncuar ne Polici mbjelljen e Kanabisit e perfshirjen ne kete veper kriminale edhe te punonjesve te saj.
Ne vend qe te merte mbrojtjen e domosdoshme nga Policia, ai ju “dorezua” vdekjes. Ky krim therret: “Shteti ka rene perfundimisht”! Ngushellimet me te sinqerta familjes, bashkefshatareve te tij, duke i garantuar per vendosmerine dhe qendresen ne luften me drogen, krimin, antishtetin, per te rivendosur te drejten, ligjin e vlerat.
