Në mbledhjen e sotme të Këshillit Bashkiak Gjirokastër është miratuar buxheti i vitit 2018. Siç nuk ndodh shpesh në fakt, kësaj radhe pro buxhetit votuan këshilltarët e PD, LSI dhe PS. Për vitin e ardhshëm qeveria i ka akorduar Bashkisë Gjirokastër 744 milionë lekë të reja, ndërsa bashkia parashikon të grumbullojë të ardhura në masën 185 milionë lëkë të reja. Por mbledhja nuk ka kaluar pa debate mes këshilltarëve, kryesisht për shpërndarjen e investimeve publike në njësitë administrative. Bashkia Gjirokastër dhe Elbasan janë dy njësitë vendore që deri më tani kanë miratuar buxhetin me votat e të gjithë këshilltarëve, ndërsa për Bashkinë Durrës dhe Tiranë pati ‘trafik’ votash nga këshilltarët e LSI-së.
©ArgjiroLajm.net
