Në mbledhjen e sotme të qeverisë është marrë një vendim për Aeroportin e Gjirokastrës. Ai ka dalë nga fondi i pronave të Ministrisë së Mbrotjes dhe i ka kaluar Bashkisë Gjirokastër. Argjirolajm.net zbardh vendimin e miratuar në Këshill të Ministrave.
“Kalimin në pronësi, nga Ministria e Mbrojtjes te Bashkia Gjirokastër, të pronës nr.599, me emërtim “Aerodrom fushor”, me vendndodhje në Gjirokastër, sipas planrilevimit që i bashkëlidhet këtij vendimi dhe është pjesë përbërëse e tij”, thuhet ndër të tjera në VKM.
Nuk është ende e qartë përse është bërë kjo lëvizje. E sigurt që këtu s’kemi të bëjmë me ndonjë rastësi, por ndoshta ka një plan për rivënien e aeroportit në funksion për qëllime sportive e turistike sikundër është deklaruar më herët. Pista e këtij aerodromi u mbyll rreth 5 vite më parë nga frika për të mos u ulur aty avionët që transportonin kanabis. Të paktën nga raportimet në media të asaj kohe pretendohej se edhe kjo pistë përdorej për trafik kanabisi nga grupet kriminale.
©argjiroja.net
