Tre ish drejtuesit e lartë të Policisë së Shtetit që janë shpallur në kërkim si të dyshuar për trafik droge, kanë dalë jashtë shtetit. Lajmin e bën me dije gazetari i kronikës, Dashamir Biçaku, duke folur në emisionin ‘Opinion’.
Sipas tij, Gjergji Kohila, ish shefi i Antidrogës në Gjirokastër dhe më pas shef kundër krimit të organizuar në Vlorë, është larguar nga Shqipëria drejt Greqisë përmes pikës së kalimit kufitar të Kakavijës. Sipas Biçakut, Gjergji Kohila u largua përmes Kakavijes më 18 Nëntor me makinë me targa AA 911 JE.
Ndërkohë një prej dy shefave të tjerë, Jaeld Çela dhe Sokol Bode, është larguar më 9 nëntor drejt Milanos përmes aeroportit të Rinasit. Tjetri është larguar drejt Malit të Zi përmes pikës kufitare të Muriqanit më datë 29 gusht. Urdhrat e ndalimit për ta dolën që mbrëmë nga Prokuroria e Krimeve të Rënda. SHÇBA u vu në lëvizje dhe ende nuk është arrestuar asnjëri prej tyre pasi nuk po gjenden. Për këtë ka nisur një hetim për dekonspirim të aksionit.
©ArgjiroLajm.net
