Reperi i njohur shqiptar, Getinjo, ka zgjedhur ditën e Shën Valentinit për të ndarë një detaj të veçantë me ndjekësit e tij. Ai publikoi një foto romantike krah partneres së tij, duke e ruajtur gjithsesi identitetin e saj të fshehtë, në një mënyrë që të mbetej misterioze për publikun.
Megjithatë, burime të sigurta pranë redaksisë së Prive By Liberta Spahiu bëjnë të ditur se vajza që i ka “vjedhur zemrën” reperit është Era Berisha. Era është një figurë e njohur në rrjetet sociale, veçanërisht në TikTok, ku numëron mijëra ndjekës dhe pëlqime për postimet e saj.
Sipas informacionit të sigurt, lidhja mes tyre ka nisur prej disa muajsh dhe po ecën në mënyrë natyrale dhe harmonike. Gjatë ditës së të dashuruarve, Getinjo nuk i rezistoi tundimit për të ndarë pak nga kjo lumturi me publikun, një veprim i rrallë për reperin që njihet për privatësinë e tij të fortë.
Ndjekësit e reperit kanë reaguar me entuziazëm ndaj lajmit, duke komentuar dhe shpërndarë gëzimin për çiftin e ri. Era Berisha duket se ka arritur të thyejë akullin dhe të fitojë vendin e saj në zemrën e Getinjos. Megjithatë, mbetet veç të presim për një reagim të bërë nga të dyja palët.
