Emrat e propozuar nga organizatat socialiste për kryetarët e degëve të PS, do të zgjidhen me 15 janar. Kështu thotë Arben Pëllumbi, sekretari organizativ i Partisë Socialiste gjatë një interviste për Ora News.
Por ashtu siç ndodh në çdo proces zgjedhor edhe brenda llojit, do të ketë shumë të pakënaqur pasi në strukturat e partive do të ketë prurje të reja.
Problemet e brendshme brenda PS në Shkodër kanë bërë që deri në 15 janar të mos ketë një kryetar partie. Shkodrën e ndjekin edhe disa bashki të tjera. Përveç zgjedhjeve brenda partisë, socialistët e shohin ende të pashpresë zhvillimin e zgjedhjeve në Shkodër, Vorë apo Durrës, për shkak të moskomunikimit me Presidentin.
Për degën e Gjirokastrës janë tre kandidatë në garë mes tyre. Bëhet fjalë për Matilda Gushin, e cila është drejtoreshë tek shkolla e mesme pedagogjike “Pandeli Sotiri”; Bledi Kaçi, i cili është kryetari aktual i PS-së dhe Gentian Llogo, drejtori i Ndërmarrjes së Ujësjellës Kanalizimeve.
Sa i përket zgjedhjeve të parakohshme të kërkuara me ngulm nga opozita, mazhoranca nuk e sheh të arsyeshm zhvillimin e tyre, pasi sipas PS institucionet funksionojnë dhe 2021 është fare pranë.
