Shqipëria është përballur ndaj Norvegjisë, në një test miqësor që do t’i shërbej Panuçit për vazhdimësinë dhe do të jetë një mundësi e mirë, për t’u përgatitur për Ligën e Kombeve dhe eleminatoret e ardhshme të europianit. Në formacionet zyrtare, nuk kishte shumë surpriza nga ato që priteshin, teksa debutoi nga minuta e parë Ylber Ramadani. Pjesa e parë ka folur vetëm për Norvegjinë, që ka pasur dy mundësi të pastra për të kaluar në avantazh. Fillimisht fati dhe më pas Strakosha, i kanë mohuar golin e avantazhit Norvegjisë. Shqipëria nuk ka zbritur ende në fushë në këtë pjesë të parë, që si fitues ka rrebeshin, pasi ka larguar disa tifozë nga “Elbasan Arena”.
Pjesa e dytë dukej se nisi me një frymë ndryshe për Kombëtaren, që krijoi më tepër rrezikshmëri në portën kundërshtare, duke qarkulluar topin. E teksa pritej që Shqipëria t’i afrohej golit të avantazhit, Rostev na ndëshkon me një gjuajtje me kokë. Strakosha është kthyer në hero në minutën e fundit me dy mrekulli brenda pak sekondash, duke marr duartrokitjet e portierit dhe falenderimet e Mavrajt. Mbyllet takimi. Shqipëri-Norvegji 0-1.
