Zjarr masiv pranë Ujit të Ftohtë në Tepelenë, flakët përparojnë drejt fshatit Shtëpëz (VIDEO)

Një zjarr ka rënë pasditen e sotme në zonën rreth Ujit të Ftohtë në Tepelenë dhe kodrat sipër fshatit Shtëpëz të Gjirokastrës. Flakët është e vështirë të vihen nën kontroll për shkak të terrenit malor edhe pse forca të shumta zjarrfikëse janë aty. Deri më tani vetëm një ndërhyrje nga ajri me helikopter shihet si mundësi për shuarjen e zjarrit. Mësohet se nëse flakët vijojnë të përparojnë rrezikohet të digjen disa plantacione me vreshta afër fshatit Shtëpëz. Argjirolajm.net sjell pamje nga vendngjarja.