Plot 35 persona po hetohen nga Prokuroria nën akuzën e zjarrëvënieve të qëllimshme.
Deri më tani 12 autorë janë arrestuar , 19 ndiqen në gjendje të lirë dhe 4 të tjerë janë shpallur në kërkim.
Sipas policisë disa nga motivet kryesore që kanë çuar në zjarrëvënie dyshohet se janë:
“-Ripërtëritja e kullotave,
-Hapje tokash të reja nga personat të cilët kanë marrë në përdorim pyjet, me qëllim shmangien e taksave.
-Shkatërrimi i pyjeve me qëllim përfitimin e granteve me qëllim mbjelljen e pemëve të reja.”
Më 10 gusht kreu i Emergjencave Civile deklaroi se deri më tani në Shqipëri janë regjistruar 600 vatra zjarri
Në një deklaratë të dhënë për mediat, sot bëhet e ditur se policia ka marrë masa shtesë në mbrojtje të 4 subjekteve që kanë depo për magazinim të lëndëve piroteknike fishekzjarrë, në Tiranë dhe në Elbasan
Më herët burimet i thanë Ora Neës se nga fillimi i muajti korrik rezultonin mbi 30 persona të akuzuar për zjarrëvënie të qëllimshme.
Bazuar në nenin 151 të Kodit Penal të gjitha ata që shkaktojnë me dashje zjarr në pronë dënimi është nga gjobë deri në 5 vjet burg.
Policia e shtetit ka anzgazhuar shërbime shtesë për identifikimin e rasteve të tjera të autorëve të zjarrëvënies së qëllimshme dhe vënien e tyre para përgjegjësisë ligjore
Deri më tani për shuarjen e zjarreve janë angazuar 3545 punonjës policie në mbështetje e në bashkëpunim me punonjësit e shërbimit të mbrojtjes nga zjarri, të emergjencave civile, pushtetit vendor dhe ushtrisë. Janë angazhuar sipas kërkesës së Prefektëve të qarqeve edhe 80 efektivë të FNSH-së.
