Pas zjarrit të rënë një ditë më parë në fushën e mbetjeve në Vlorë, Policia ka nisur hetimet për Drejtorine e Ndërmarrjes së Pastrimit dhe 4 punonjës të Bashkisë.
Sipas njoftimit të policisë Francesko Tozaj, Alpin Skëndaj, Luan Dalipaj, Endrit Delaj dhe Daniel Islamaj kanë neglizhuar kryerjen e detyrës, duke mos marrë masa në kohë për shuarjen e zjarrit, duke sjellë ndotje të mjedisit.
Punonjësit që do të hetohen:
-Francesko Tozaj, 31 vjeç, me detyrë Drejtor i Ndërmarrjes së Pastrimit pranë Bashkisë Vlorë
-Alpin Skëndaj, 36 vjeç, përgjegjës i Bordit të Kullimit pranë Bashkisë Vlorë
-Luan Dalipaj, 56 vjeç, me detyrë manovrator në ndërmarrjen e Bordit të Kullimit të Bashkisë Vlorë
-Endrit Delaj, 27 vjeç, me detyrë manovrator në ndërmarrjen e Bordit të Kullimit të Bashkisë Vlorë
-Daniel Islamaj, 35 vjeç, me detyrë manovrator në ndërmarrjen e Bordit të Kullimit të Bashkisë Vlorë
“Specialistët për Hetimin e Krimeve në Komisariatin e Policisë Vlorë:
referuan materiale në Prokurori dhe nisën procedimin penal për shtetasit F. T., 31 vjeç, me detyrë Drejtor i Ndërmarrjes së Pastrimit pranë Bashkisë Vlorë, A. S., 36 vjeç, përgjegjës i Bordit të Kullimit pranë Bashkisë Vlorë, L. D., 56 vjeç, E. D., 27 vjeç dhe D. I., 35 vjeç, të tre me detyrë manovratorë në ndërmarrjen e Bordit të Kullimit të Bashkisë Vlorë, pasi më datë 07.06.2025, rreth orës 12:18, në lagjen “24 Maji”, Vlorë, si pasojë e temperaturave të larta, ka rënë zjarr në fushën e grumbullimit të mbetjeve urbane dhe shtetasit e sipërpërmendur kanë neglizhuar kryerjen e detyrës, duke mos marrë masa në kohë për shuarjen e zjarrit, duke sjellë ndotje të mjedisit”, informoi sot policia.
