Pulëbardha e Vogël (Larus ridibundus) është rikthyer në Parkun e Viroit, në Jug të Shqipërisë pas shirave të parë të vjeshtës që lanë pas thatësirën e jashtëzakonshme të këtij viti. Zogjtë shtegëtarë ujorë kanë nisur të shtohen në Shqipëri pas një Moratorimi për gjuetinë. Rezultatet e censusit ndërkombëtar të shpendëve të ujit, publikuar në fillim të këij viti dëshmojnë për një ekzistencë të më shumë se 160.000 zogjve në ligatinat e Shqipërisë, të cilat përfaqësojnë më shumë se 65 specie të shpendëve të ujit.
Por zogjtë ujorë janë edhe viktimat më të mëdha të vrasjeve. Një raport i publikur së fundi nga BirdLife Internacional vlerëson se 0.4 milion shpendë në vit mund të vriten ilegalisht – kryesisht për sportin e gjuetisë. Grupet e zogjve më të prekura nga vrasja e paligjshme janë zogjtë e ujit vlerëson Raporti. Në hartën botërore të Raporti Shqipëria renditet në vendet me problematikë shqetësuese për vrasjen e zogjve./voa
