Deputeti i LSI-së, Vangjel Tavo ka shtruar një drekë për punëtorët e Agjensisë së Shërbimeve Publike në Gjirokastër, apo siç njihet ndryshe si ndërmarrja komunale. Dreka është shtruar me rastin e 1 Majit.
“1 Maji është një ditë e cila nderon punëtorët dhe respekton veprën e duarve të tyre! I lumtur që e kalova këtë ditë me punonjësit e Agjensisë së Shërbimeve Publike të cilët punojnë kur ne festojmë dhe kujdesen për qytetin teksa ne flemë! Me mirënjohje!”, shkruan Tavo në faqen e tij në Facebook teksa shpërndan edhe foto nga dreka, ku ai shoqërohet nga kryebashkiakja Zamira Rami.
