Tashmë ka pak ose aspak dyshime, nëse Flamurtari do të jetë apo jo forca e dytë e kampionatit. Vlonjatët duken shumë të fortë këtë sezon, e tregojnë qartë rezultatet, ndërsa lëvizjet në merkato konfirmojnë ambiciet për të fituar trofe këtë sezon.
Mbrojtësi Ditmar Bicaj, një nga titullarët me më shumë përvojë të Flamurtarit, në një intervistë për “Vipsport”, flet edhe futbollistin e Luftëtarit, Dejvi Bregu.
“Përforcimet na bëjnë gjithmonë mirë. Bregu? I duhet Flamurtarit dhe uroj që të vijë, sepse është një lojtar i mirë dhe mbi të gjitha i dalë nga shkolla vlonjate e futbollit”, është shprehur Bicaj.
Për transferimin e Bregut nga Luftëtari tek Flamurtari kanë nisur bisedimet edhe mes dy presidentëve, Tavo e Idrizi, por vetë Bregu është skeptik, pasi kërkon një përvojë jashtë Shqipërisë.
