Në Gjirokastër vijon testimi për Covid-19 i efektivëve të policisë në pikën kufitare të Kakavijës. Gjatë ditës së sotme pranë Njësisë Vendore të Kujdesit Shëndetësor iu morën mostrat 13 policëve. Përgjigjet e analizave dalin nesër në mëngjes.
Ndërkohë mëngjesin e sotëm dolën negative përgjigjet për 14 oficerë të tjerë të policisë. Testimi i tyre është bërë pasi u zbulua pozitiv një emigrant që kishte hyrë përmes pikës së Kakavijës. Prej 5 ditësh ai u strehua në një hotel në Këlcyrë.
Më pas u transportua drejt Spitalit Infektiv në Tiranë. Gjirokastra është një ndër dy qarqet që përfioi lehtësim të masave pasi deri më dje s’kishte pasur të infektuar me Covid-19. Masat lehtësuese nisin të zbatohen duke nisur nga e hëna.
©argjiroja.net
