Lëvizja në një qytet të ri apo në një punë të re mund të jetë e frikshme, është e vështirë të gjendet strehim, të lëvizen sendet personale e më e vështira është përballja më njërëz e ambient jo të këndshëm në vëndin pritës.
E njëjta gjë vlen edhe për bizneset e vogla që janë duke hyrë në një industri që drejtohet nga konkurrentë më të mëdhenj. Për një SME, gjetja e një Niche-je kërkon kohë por sjell përfitime afatgjata.
Më poshtë do të ndajmë 4 strategji efektive marketingu që mund të aplikohen nga SME-të kundër konkurrentëvë të mëdhenj.
- Niche Down
Bizneset e vogla kanë nevojë të fokusohen në një segment të tregut, madje të hiper fokusohen dhe ta zgjerojnë segmentin ndërkohë që janë duke u rritur.
Për të konkurruar dhe mundur rivalet më të mëdhenj në industri, SME-të kanë nevojë të përqëndrohen te konsumatorët e tyre themelorë. Duke i njohur dhe duke e bazuar marketingun në këta konsumatorë, rriten shitjet, rriten të ardhurat për marketing dhe rriten aftësitë për zhvillim të mëtejshëm.
Një shembull perfekt do ishte Red Bull. Bashkë-themeluesi Dietrich Mateschitz e filloi punën me pijen e tij pa një treg specifik në mendje. Por, edhe pse ai nuk kishte konkurrentë në industrinë e pijeve energjike, shitjet ishin të ulëta.
Konsumatorët e kishin të vështirë të vendosnin nëse RED Bull ishte një stimulues për sportistë apo një pije e lehtë. Gjendur në një situate të tillë Mateschitz u kthye pas dhe shënjestroi një segment tregu (studentët). Ai filloi të tregëtonte në mënyrë të vrullshme duke sponsorizuar ngjarje, duke zhvilluar fushata marketingu dhe sfida në mediat sociale.
Duke synuar një treg të veçantë, Red Bull ishte në gjendje të siguronte vazhdimësinë në treg, shitjet u rriten jashtëzakonisht shumë dhe rritja e kompanisë ishte shpërthyese. Sot, Red Bull mund të gjendet në pothuajse çdo ngjarje sportive duke patur 50% të tregut në Kanada dhe 46% në US.
- Zgjidh këndin tënd dhe promovoje
Ti je në botën e biznesit për të zgjidhur problemet e konsumatorëve. Nëse dëshiron ta mundësh “anakondën” që ndodhet në ambientin tënd atëherë duhet të mbash këtë qëndrim: të zgjedhësh këndin më konkurrues dhe ta promovosh atë, të tregosh që ti në atë kënd je i sigurtë dhe konkurrentët e tjerë do të të lakmojnë për këtë fakt.
Çfarë do t’i sjellë konsumatorët afër është mënyra se si e tregon ti historinë tendë. Këndi yt konkurrues (që në vazhdim do jetë historia jote në biznes) mund të jetë arsyeja pse ti e fillove biznesin (historia e origjinës), vlera e lidhur me produktet dhe shërbimet ose diferenca që bën produkti ose shërbimi që ti ofron me produktet e tregut(historia e produktit).
Detyra jote si themelues është te gjesh këndin tënd dhe ta kthesh atë në një histori që mund t’u tregohet klientëve në fushatat e marketingut dhe në faqet web.
Këndi juaj konkurrues, në mënyrë që të prodhojë një histori fantastike marketingu, mund të jetë secili nga elementet më poshte:
-Reagimi ndaj ankesave të konsumatorëve, hetimet që ju kryeni mbi ta. Sa kohë i dedikoheni kësaj çështjeje? Lërjani të ditur këtë fakt konsumatorëve.
-Biznesi X përdor paketim të lirë dhe i juaji është më tërheqës? Tregojani këtë klientëve që ju synoni.
-Produktet e biznesit Y nuk janë plotësisht të sigurta dhe produktet tuaja janë miqësore me mjedisin? Tregojani këtë klientëve tuaj.
-Keni dikë të famshëm në skuadrën tuaj ose dikë shumë inteligjent? Tregojani këtë klientëve tuaj.
-Ofroni shërbim më të mirë se biznesi Y. Krijoni një video ku përshkruhet shërbimi për klientet tuaj.
Bizneset si Apple dhe Sony kanë përdorur risinë si një kënd konkurrues, IKEA krenohet me aftësinë e saj për të ofruar mobilje cilësore e të përballueshme nga ana monetare. Këto histori pasqyrohen gjithmonë në skemat e tyre të marketingut.
- Shërbime dhe produkte që tërheqin vëmendje.
Sipas një studimi të ri nga Microsoft, që nga viti 2000, vëmendja mesatare e njerëzve ka rënë nga 12 sekonda deri në 8 sekonda.
Për pronarët e bizneseve: ju keni më pak se 8 sekonda për të bindur një klient në lidhje me prodhimet tuaja, kudo që ju komunikoni me ta. Faqja juaj e internetit duhet të terheqë vëmendjen e konsumatorëve duke i dhënë mundësi atyre të kuptojnë produktet ose filozofinë e biznesit tuaj.
Dizenjojeni faqen tuaj për të parashtruar produktet tuaj, për të përshkruar produktet dhe eksperiencën me to. Me një bazë konsumatorësh të synuar të mirëpërcaktuar, prodhimet tuaja duhet të jenë të dizajnuara për klientët tuaj, ato duhet të japin një eksperiencë që është krejtësisht e re dhe e ndryshme nga eksperienca që ofrojnë produktet e konkurrentëve.
Nëse kthehemi pas në vitet ‘80, kur IBM dhe Microsoft prodhuan PC, Apple krijoi diçka revolucionare. Si një biznes të ri, ju keni nevojë të ndërtoni produkte më të lira, më të mira dhe të ndryshme të cilat do të fitojnë vëmendjen në treg.
- Shërbimi ndaj klientit dhe marrëdhënia me të duhet të jetë një nga pikat më të forta.
Një avantazh i madh i të qënit një biznes të vogël është aftësia për të bashkëvepruar me klientët duke zhdukur pengesat dhe burokracitë e bizneseve të mëdha. Në këtë mënyrë krijohet hapësirë për t’i dhënë klientit përvoja më të mira me produktet dhe shërbimet e ofruara duke arritur të tejkalohen edhe pritshmërite e klientëve.
Disponueshmëria për t’iu përgjigjur email-eve, pyetjeve dhe per të zgjidhur probleme rezulton në përvoja te mahnitshme të konsumatorëve të cilët sjellin edhe më shumë konsumatorë me anë të gjuhës së marketingut, komenteve online dhe kanaleve të mediave sociale.
Një shërbim i mirë ndaj klientit duhet të jetë prioritet për çdo biznes të vogël që kërkon të mundë konkurrentët e mëdhenj dhe të fitojë konsumator të rinj. SME-të duhet te investojnë në CRM cilësore dhe në mjete për menaxhimin e shërbimeve ndaj klientit.
Nga Enterpreneur.com/SME Albania
