Autoritetet greke kanë kthyer mëngjesin e sotëm në Kakavijë 32 shtetas shqiptarë të cilit qëndronin në territorin grek në kundërshtim me rregullat e zonës Shengen. Kanë qenë kryesisht punëtorë sezonalë.
Ata janë pritur në Kakavijë nga autoritetet e Shëndetit Publik në Gjirokastër. Një prej tyre kishte shfaqur simptoma të Covid-19. Bëhej fjalë për 48-vjeçar nga Bulqiza, që më pas u transportua drejt karantinës në Durrës. Por sot pasdite kanë dalë përgjigjet e analizave. Ai ka rezultuar negativ, pra s’ka qenë i infektuar me koronavirus.
Sot Ministria e Shëndetësisë konfirmoi 13 raste të reja me Covid-19, duke e çuar numrin total të të infektuarve në Shqipëri në 89. Korça është vatra e re me Covid-19 në vend.
©argjiroja.net
