Arrestohet në flagrancë një 23-vjeçar, për veprën penale “Prodhimi dhe shitja e lëndëve narkotike”. Sekuestrohen 3 kg lëndë narkotike cannabis sativa në proces tharjeje.
Në vijim të punës për parandalimin dhe goditjen e paligjshmërisë në fushën e narkotikëve, specialistët për Hetimin e Narkotikëve në DVP Gjirokastër, në bazë të informacioneve të siguruara në rrugë operative, bënë arrestimin në flagrancë të shtetasit:
M. K., 23 vjeç, banues në fshatin Iliras, Memaliaj.
Arrestimi i këtij shtetasi u bë pasi gjatë kontrollit të ushtruar në banesën e tij u gjetën dhe u sekuestruan 3 kg lëndë narkotike cannabis sativa në proces tharjeje. Materialet i kaluan Prokurorisë pranë Gjykatës së Shkallës së Parë Gjirokastër, për veprën penale “Prodhimi dhe shitja e narkotikëve”.
