Doni Fruits Albania, kompani lidere shqiptare në sektorin e kultivimit, distribuimit dhe eksportit të produkteve të freskëta, merr pjesë si eksportues online në një nga panairet më të mëdha, “IFEMA Madrid 2020” – “Fruit Attraction 2020”, ngjarje kjo kryesore në botë për tregtinë globale të produkteve të freskëta.
Panairi “Fruit Attraction”, i cili çdo vit mbledh mesatarisht 2,000 ekspozues dhe 95,000 vizitorë nga 160 vendet e botës, këtë vit do të mbahet më ndryshe nga vitet e kaluara për arsye të Covid-19, ky panair këtë vit do të mbahet online dhe do të quhet Fruit Attraction LIVEConect, ku do të mblidhen kompani nga e gjithë bota që veprojnë në sektorin e agrobiznesit si dhe eksportit dhe importit të produkteve të freskëta.
Fruit Attraction LIVEConnect është një platformë teknologjike dhe sistem i inteligjencës artificiale që është në gjendje të gjenerojë mijëra impakte dhe të rrisë ndërgjegjësimin e markës për kompanitë dhe produktet e tyre midis mijëra blerësve, shpërndarësve dhe tregtarëve nga 160 vende, duke e përfshirë dhe kompaninë Doni Fruits Albania.
Produktet e Doni Fruits janë të çertifikuara me standarde ndërkombëtare nga programi i mirënjohur për sigurinë e prodhimeve bujqësore të freskëta, Global G.A.P, standard ky i cili rritë besueshmërinë dhe sigurinë për klientët dhe konsumatorët e Doni Fruits. Kjo është hera e parë që një kompani shqiptare merr pjesë në një panair të përmasave të tilla.
