Presidenti Ilir Meta i është përgjigjur brenda pak minutave ofendimeve të lëshuara në Kuvend nga kryeministri Edi Rama. Në një postim në rrjetin social “Facebook”, Meta shkruan se Shqipëria kurrë s’ka njohur trafikant më të papërgjegjshëm se sa Rama.
Teksa i kërkon për të disatën herë që të respektojë marrëveshjen e 5 Qershorit, Meta e paralajmëron Ramën për protesta në mbarë vendin, duke i kujtuar atij se do të ketë fatin e “shokut që i ngeli pa parti”. Kreu i shtetit duket se i referohet ish-kryeministrit Fatos Nano.
Postimi i presidentit Ilir Meta në “Facebook”:
Mister 1 Prilli, ti gënjen edhe kur s’e hap gojën. MOS GUXO të vesh dorë mbi Marrëveshjen e 5 Qershorit! Shqipëria kurrë s’ka njohur trafikant më të papërgjegjshëm se sa ti, peng i bandave dhe armiqve të Shqipërisë. Po e preke 5 qershorin, Ilir Metën do e kesh në çdo shesh të Shqipërisë dhe ti do ëndërrosh fatin e shokut tënd që ngeli dhe pa parti. Nëse ndonjë mik i huaj të është ankuar për mua, kërkoji leje se e publikoj unë se çfarë i kam thënë, që ta dëgjojë mbarë bota se për ç’miq bëhet fjala.
