Presidenti Ilir Meta, i ftuar këtë mbrëmje në emisionin ‘Opinion’, foli për zhvillimet e fundit politike në vend. Meta tha se nuk kishte ndërmend ta rikthente në Kuvend ‘Kodin Zgjedhor’, ndërsa shtoi se ajo ishte një marrëveshje e njëanshme.
Ai theksoi se bëri koalicion me Ramën në 2013 pasi i vendosi kusht atij që të miratonte 3 ligjet që ishin kusht për intregrimin në BE. Presidenti shtoi se ne jemi një vend anëtar i NATO-s prej më shumë se një dekade, dhe duam të çelim negociatat.
Meta e quajti mazhorancën të marrë, ndërsa tha se shqetësimi i tij mbetet shpopullimi i vendit.
Presidenti tha se i vetmi person me rekorde kriminale që ka takuar është Rama. Meta shtoi se Rama ka ngritur murin e Rilindjes kundër integrimit të vendit.
Kreu i shtetit shtoi se Rama futi në politikë persona me rekorde kriminale, të dënuar për vjedhje e të tjera vepra penale.
‘Rama i mban listat e mbyllura, se me lista të hapura, ai nuk del deputet në asnjë qark të Shqipërisë dhe humbet kontrollin e PS. Ai po mban peng Shqipërinë.’-tha Meta.