U kapën pa maska në rrugë, policia gjobit 171 persona

Policia e Shtetit, nëpërmjet një njoftimi zyrtar për mediat shprehet se ka bërë sot një monitorim të situatës në terren, nëse qytetarët kishin vendosur ose jo maskë.  Sipas policisë, gjithsej janë vendosur 171 masa administrative me vlerë 3000 lekë për ata persona që nuk kanë zbatuar protokollet. Vendimi i qeverisë për mbajtjen e maskave me detyrim edhe në ambientet e hapura, hyri në fuqi sot. Këtë pasdite, disa qytetarë kanë protestuar kundër vendimit të qeverisë për maskat, ndërsa Policia e Shtetit ka shoqëruar në komisariat 7 protestues. Në shenjë protestë, disa prej tyre dogjën edhe maskat përpara godinës së kryeministrisë.