Një mësuese nga Përrenjasi dhe vëllai i saj kanë ndërruar jetë ditën e sotme. Mësohet se mësuesja e muzikës, Irena Bajlozi dhe i vëllai ishin prekur nga pandemia e koronavirusit.
Bashkë me të, rreth 20 ditë më parë ishte infektuar dhe vëllai i saj, Agron Balozi. Mesohet se motër e vëlla, prej 20 ditësh kuroheshin në shtëpi, ndërsa kishin dy javë që ishin shtruar në spital, pasi gjendja e tyre shëndetësore ishte përkeqësuar. Nga koronavirusi është e infektuar edhe bashkëshortja e Agron Balozit, e cila po trajtohet në shtëpi. Vdekja e mësueses, është e para në radhët e arsimtarëve në vend.
Nuk dihet nëse mësuesja ishte infektuar në shkollë nga kolegët ose nxënësit, apo jashtë saj. Kujtojmë që mësuesja Irena Bajlozi kishte përjetuar një fatkeqësi disa vite më parë, ku djali i saj i vetëm, Skerdi, mbeti i vrarë gjatë të shtënave me armë zjarri të zonën e plazhit të Ujit të Ftohtë në Vlorë.
Deri më tani, sipas Ministrisë së Shëndetësisë në vendin tona kanë ndërruar jetë 487 persona të infektuar nga pandemia që ka gjunjëzuar globin. Dje u raportua një numër rekord viktimash me, 7 humbje jete në 24 orë.
