35 vite burg dha Gjykata e Sarandës për 27-vjeçarin Arqile Koçi, i cili më 8 nëntor të vitit 2016, në tentativë për të vjedhur një pikë karburanti, vrau rojen e objektit.
I vrarë mbeti punonjësi Artan Hoxha. 27 vjeçari erdhi me një motoçikletë në pikën e karburantit dhe qëlloi rojen sepse ai lëvizi, me një armë të tipit çifte.
Atë natë Arqile Koçi arriti të grabisë rreth 60 mijë lekë të vjetra dhe të largohet, por pas disa ditësh u arrestua.
Pak minuta para dhënies së vendimi që do e lërë për mëse 3 dekada në burg, 27 vjeçari tha:
“Nuk doja të vrisja, isha nën efektin e pijes. Jam penduar shumë për atë që kam bërë. Nuk e kuptoj edhe sot se si u shkrep arma”.
