Kryetarja e LSI-së, Monika Kryemadhi ishte sot në një takim me banorët e prekur nga tërmeti i rëndë i 26 nëntorit vitin e kaluar, në Durrës, nga ku akuzoi qeverinë se projekti i rindërtimit është vetëm në 3D, e në terren njerëzit nuk shohin asgjë. Kryetarja e LSI-së, u përball me revoltën e qytetarëve, të cilët akuzuan Bashkinë e qytetit bregdetar dhe kryeministrin Edi Rama, se kanë një vit që nuk kanë marrë asnjë zgjidhje dhe shpresë për shtëpitë e tyre
“Nuk e kuptoj pse e zvarritën një vit këtë pallatin tonë. Se unë e di që kanë marrë ndihma shumë këta”, u shpreh një banore.
“Se nuk kanë mundësi, para”, iu përgjigj Kryemadhi qytetares.
Kryemadhi theksoi se në cilësinë e kryetares së LSI, ajo nuk do i braktisë qytetarët pas zgjedhjeve.
“Sheh Monikën e të duket sikur sheh gjithë politikën e ke të drejtë se dhe ne kemi përgjegjësinë tonë, këtu fitonte PS ja lënin PS, fitonte PD ia lenin PD.
E ne sipas territoreve kështu e kemi parë. Por sic ndodh në Durrës, Tiranë, Shijak, njerëzit kanë revoltë kur shohin njerëz publik, se janë lodhur. Hajde një ik një bë pallate, autostrada, njerëzit rrinë aty ku janë.
Kam dhe unë faj që s’kam fol, që kam mbyll sytë, po si është më mirë, që mos vij të takoj ty fare apo të dal nga foltorja e partisë e të bëj propagandë?
Më mirë të vij e të dëgjoj ty. Pas zgjedhjeve do vij më shumë se unë kam një hall si kanë ikur fëmijët e tu nuk dua të më ikin mua, edhe goca jote që ka ikur më fëmije të vijnë këtu, se po nuk erdhën kush do punoj?
Problemi qëndron se ne nuk është cështje flamurësh, se këtu ka dhe socialistë e demokratë e pa parti, këtu është cështja do e zgjidhësh apo jo. Në Tiranë janë shpallur tendera 70 milionë euro për shtëpitë, le të bëjnë cfarë të duan, por mua ma ndërto aty ku e kisha. Se problemi është që këta nuk i lënë të ndërtojnë vetë.
Për fushatë mos u bë merak se fushata fillon muajin e fundit e atëherë do shikoni ju kur t’ju vijë thesi i miellit“, u shpreh Kryemadhi.
Duke habitur me deklaraten e saj, pasi femijet i ka ne shkolle jashte vendit, ne shkollat me te shtrenjta te Londres!
