Gjatë muajve të karantinës qarku Gjirokastër ishte bashkë me Dibrën një ‘zonë e gjelbër’ për shkak se nuk kishte raste me Covid 19. Sot situata është krejt ndryshe. Gjirokastra është shndërruar në një vatër infeksioni ashtu si shumë zona të tjera të vendit ku shifrat e të prekurve me koronavirus janë rritur frikshëm. Në pesë ditët e kësaj jave, pra nga e hëna në të premte, në qarkun Gjirokastër janë zyrtarizuar plot 81 raste të reja me Covid 19. Shifra më e lartë ishte ditën e sotme ku vetëm në qytetin e Gjirokastrës u raportuan 26 raste të reja. Shifrat parashikohen të jenë të larta ndërkohë që nëse vazhdon kjo situatë Shqipëria do të shkojë gradualisht drejt një mbyllje tjetër, ndoshta të pjesshme, ashtu sikundër po ndodh në shumë vende të Europës.
©argjiroja.net
