Gjirokastër/Makina përplas kalimtaren në lagjen “18 Shtatori”

Një aksident është regjistruar sot në Gjirokastër, ku një automjet ka përplasur një grua. Ngjarja ndodhi në lagjen ‘18 Shtatori’.
Raportohet se bëhet fjalë për shtetasen me inicialet R.K., e cila ishte duke kaluar në rrugë. Kjo e fundit është transportuar me urgjencë në spitalin e Gjirokastrës, ndërsa nuk dihet gjendja e saj.
Pamje nga vendi i ngjarjes tregojnë qytetarë të shumtë që janë ndaluar aty pranë. Aktualisht policia ndodhet në vendin e ngjarjes për të zbardhur të plotë aksidentin.