Shkollat do të qëndrojnë hapur. Mira Rakacolli, kryetarja e Komitetit Teknik të Ekspertëve dhe zv/ministre e Shëndetësisë, tha se shkollat e mesme dhe ato 9-vjeçare nuk janë konsideruar vatra infeksioni dhe se për arsye do të qëndrojnë hapur.
“Nuk po na rezulton që në shkolla të ketë një shpërndarje masive, për këto arsye nuk i konsiderojmë vatra infeksioni. Nëse kjo gjë do të ndryshojë, atëherë edhe masat do të ndryshojnë. Po shohim fenomenin, shohim me shumë përgjegjësi, çdo gjë. Shkollat nuk kanë influencuar në një rëndim të situatës,”- tha Rakacolli.
Shqipëria futet në karantinë të pjesshme. Nga data 11 nëntor, deri në datën 2 dhjetor, pas orës 22:00 deri në orën 06:00, nuk do të ketë asnjë lëvizje përveç shërbimeve të transportit. Edhe lokalet dhe restorantet, do të jenë të mbyllura në këto orare. Shkollat do të qëndrojnë hapur. Hapur do të jenë vetëm shkollat dhe shërbimet e transportit. Çdo javë do të ketë një rishikim të masave. Administrata nis punën nga shtëpia.
