Java që lamë pas (09-15 nëntor) ishte sërish dramatike për qarkun Gjirokastër përsa i përket rasteve të reja me Covid 19. Plot 194 raste të reja u shfaqën në këtë qark. Kulmi ishte të martën me 59 raste të reja. Krahasuar me javën e shkuar kur ishim 136 raste të reja në rang qarku me Covid, kemi një rritje me 58 raste më shumë. Për shkak të koronavirusit gjatë kësaj jave ndërroi jetë një grua nga Lazarati, rreth 40 vjec, e cila punonte në një fasoneri. Përhapja e frikshme e Covid në një qark që dikur ishte zonë e gjelbër shihet me shqetësim nga banorët. Frika për rritje të mëtejshme të rasteve të reja është ende prezente. Mbetet të shohim se si do të shkojnë gjërat gjatë javës së re.
©argjiroja.net