Romina Kuko largohet nga Ministria e Brendshme, pason në detyrë Toni Gogun

Romina Kuko do të jetë në krye të Këshillit Bashkiak të Tiranës, pas largimit të Toni Gogut, i cili u vendos në postin e prefektit të Tiranës. Ishte vetë Kuko, e cila e ka konfirmuar lajmin me një postim në rrjetet sociale, ku shkruan se për të është nder dhe privilegj që mban këtë detyrë.
“Nder dhe privilegj vlerësimi dhe besimi për të shërbyer si Kryetare e Këshillit Bashkiak Tiranë; duke pasuar një koleg të çmuar si Toni Gogu dhe me ekipin e kolegëve këshilltarë të spikatur, besimplotë se bashkë do vazhdojmë punët e mira të Tiranës sonë”, shprehet Kuko në postimin e saj.
Kuko, deri më sot ka qenë zëvendës ministre e Brendshme që nga data 9 tetor të vitit 2017.