Deputetja e PS në Gjirokastër, Artemis Malo, që vjen nga radhët e minoritetit grek, i është përgjigjur ashpër ish-deputetit Vangjel Tavo, i cili pretendon ai bashkë me 300 të tjerë janë cregjistruar nga Dropulli pa dijeninë e tyre. Sipas Tavos ky veprim është i qëllimshëm për të manipuluar zgjedhjet. Por Malo i sqaron Tavos se ai mund ta verifikojë qendrën e votimit në portalin e-Albania ndërkohë që emrin e ka të afishuar edhe në listat e fshatit Jorgucat.
Reagimi i saj i plotë
👉Një sqarim publik, për deklaratat e dëshpëruara të mjeshtrit të mashtrimit ndër vite! Padija nuk është turp or mik… por sulmi për mbrojtje… aty ku nuk është nevoja, sepse shumë thjesht nuk po merret njeri me ty.. është turp o Vangjel!!!! 🤦♀️
👉Në vitet 2016-2018, projekti për saktësimin e adresave i OSHEE, dërgoi punonjësit derë më derë për të regjistruar deklaratën për çdo ambient banimi. Aktualisht, MB, e konkretisht DPGJC, po punon intensivisht në saktësimin e adresës së çdo shtetasi me tetë elementë: bashki, njësi administrative, qytet, rrugë, kod postar, ndërtesë, hyrje dhe apartament.
👉Të gjitha këto veprime kanë ndodhur pa ndryshuar as zyrën e gjendjes civile as qendrën e votimit të asnjë shtetasi. ✅ Ndërkohë, për çdo shtetas ku adresa nuk është e njëjtë me zyrën e gjendjes civile, po telefonohen që të saktësojnë pranë zyrës së gjendjes civile adresën e tyre vetëm duke humbur 5 minuta kohë nga qytetari. 👍
👉Mund të verifikosh qendrën e votimit në kohë reale në platformën on-line. 🤷♀️ Gjithashtu, “ i brishtë” në viktimizimin tënd, nëse nuk di të përdorësh platformën, pyet “ agjentët” e tu të teknologjisë. Unë po të vij në ndihmë me emrin tënd, në listën e afishuar në fshatin tënd të lindjes, në Jergucat, që të mos mohosh edhe veten! Të uroj paqe dhe qetësi! 😊 Mos vuaje nga “ fukarallëku” në shtim pronash e banesash, sa as ti vetë nuk di ku je banor!😉🤝
