Ibra iu blen dhuratën speciale shokëve të ekipit

Zlatan Ibrahimovic është një lider i vërtetë në ekipin e Milanit, si brenda edhe jashtë fushës. Shumë lojtarë janë habitur me mënyrën e lojës së tij dhe dëshirën për të fituar, edhe pse së fundmi festoi 39 vjetorin e lindjes. Kur bëhet fjalë për punën, suedezi është jashtëzakonisht i përkushtuar dhe serioz, por jashtë fushe di të jetë edhe argëtues.
Ai ka vendosur të gëzojë shokët e ekipit, duke vendosur t’iu blejë nga një dhuratë të gjithëve, pas grumbullimit në kombëtare. Mediat në Itali shkruajnë se Ibra bleu nga një Play Station 5 për secilin lojtar të Milanit, i cili sapo ka dalë shitje. Shumica e tyre këtë gjë e kanë konfirmuar në rrjetet sociale.