Pak momente relaksi dhe qetësie për pacientët me Covid në spitalin “Shefqet Ndroqi”. Ansambli i Këngëve dhe Valleve zhvillojnë një koncert në spitalin Covid2, në mbështetje të të sëmurëve, por edhe mjekëve të cilët janë në vijën e parë të kësaj lufte.
Koncerti u zhvillua në ambientet e jashtme të spitalit, ndërsa pacientët dhe mjekët e ndoqën nga ballkoni.
Ata nxorën telefonat e tyre duke filmuar koncertin, ndërsa disa ia morën edhe valles. Në këto momente të vështira që po kalon vendi, pacientët me covid kanë nevojë për mbështetje morale, për të përballuar sa më lehtë vështirësitë që po kalojnë.
