Rastet e konfirmuara që nga shfaqja e Covid-19 në Wuhan të Kinës një vit më parë ka kapur shifrën e 72 milionëve. Vetëm dy javë pasi kapi shifrën alarmante të 60 milionëve, numri i të infektuarve ka arritur një rekord të ri. Kjo shiër konfirmon ritmet alarmante dhe të përshpejtuara të infektimeve në të gjithë SHBA-në, Europën dhe në pjesë të tjera të globit.
SHBA ende ka numrin më të lartë të rasteve të konfirmuara me më shumë se 15.7 milionë, e ndjekur nga India me rreth 9.8 milionë dhe Brazili i cili ka konfirmuar gati 6.8 milionë deri më tani. Numri global i të vdekurve është afër 1.6 milion, me SH.B.A. që përbën gati një të pestën e viktimave. Europa po përpiqet gjithashtu të përmbajë një valë të dytë të pandemisë me numra përherë në rritje dhe spitale të tejmbushura përtej kapaciteteve.
