Qeveria ka miratuar një pension të posacëm për familjen e Klodian Rashës, i cili u ekzekutua nga policia më 8 dhjetor pranë banesës së tij. Vendimi është miratuar në mbledhjen e fundit të Këshillit të Ministrave, më datë 11 dhjetor 2020, tre ditë pas vrasjes së 25-vjecarit. Me sa duket kjo është një masë tjetër e qeverisë për të vendosur “paqe” pas largimimit të Sandër Lleshajt nga posti i Ministrit të Brendshëm.
“Dhënien e trajtimit të veçantë familjes të të ndjerit Klodian Rasha, i cili, në datën 8.12.2020, humbi jetën aksidentalisht, si pasojë e veprimeve policore, në masën e tetëfishit të pensionit social. Trajtimi i veçantë familjar, financiar mujor, i paguhet kryefamiljarit z. Qazim Osman Rasha”, thuhet në vendim. Pensioni mujor për familjen Rasha përlogaritet me vlerë 96 mijë lekë të reja.
