Mbrojtësi i kombëtares, Elseid Hysaj ka shumë mundësi të mos rinovojë kontratën me skuadrën e Napolit. Shkak është paga e futbollistit shqiptar, ngërç që po i çon palët drejt një “divorci” të pashmangshëm.
“Elseidi nuk dëshiron të qëndrojë më te Napoli. Ai po pret fundin e kontratës dhe më pas të lidhë një kontratë të re, ku ka disa kërkesa nga klube të ndryshme europiane.
Arsyeja e mosqëndrimit te skuadra napolitane është më shumë për anën financiare, duke qenë se është bllokuar mundësia e rritjes së pagës. Napoli nuk pranon ta bëjë këtë dhe kësisoj ai është në kërkim të një klubi tjetër me mbarimin e kontratës”,- është shprehur Gëzim Hysaj, babai i mbrojtësi të kombëtares, për “Panorama Sport”.
Referuar stacionit dhe skuadrës së ardhshme, fanellën e së cilës do të veshë sezonin e ri Elsi, i jati i tij, Gëzim Hysaj, ka treguar: “Një opsion i mundshëm është Spartaku i Moskës, që ka paraqitur një ofertë mjaft të mirë”.
Elseid Hysaj largohet nga Napoli, babai i tij zbulon destinacionin e ardhshëm
Related Posts
