Teksa pandemia COVID-19 vijon të shkaktojë viktima në vendin tonë, autoritetet shëndetësore kanë ashpërsuar masat kufizuese.
Ashtu siç u paralajmërua pak ditë më parë nga Komiteti Teknik i Ekspertëve, sot hyjnë në fuqi masat e reja kufizuese kundër COVID-19.
Nga dita e sotme, ora policore do të jetë prej orës 20:30 – 06:00 kjo masë do të jetë në fuqi deri më 4 janar kur do të rikthehet sërish fasha e orarit të lëvizjes 22:00 ne 06:00. Të gjithë ata persona apo biznese që thyejnë këtë masë kufizuese do të gjobiten sipas aktit normativ.
Gjithashtu nga sot mbyllen dhe shkollat 9-vjeçare dhe gjimnazet për pushimet e dimrit dhe do të rihapen më 11 janar.
Në vendin tonë, në raportimin e fundit të ministrisë së Shëndetësisë u njoftua se në 24 orë u regjistruan 503 raste të reja dhe 6 humbje jete. Nga fillimi i pandemisë e deri më tani numri i përgjithshëm i të infektuarve ka shkuar në 54,317 mes të cilëve 1117 persona kanë humbur jetën.
