Policia ka arrestuar një të ri nga Tepelena, i cili tentoi të vidhte një automjet. Ngjarja ka ndodhur në lagjen “Mustafa Matohiti”. Më poshtë njoftimi i policisë.
Shërbimet e Komisariatit të Policisë Tepelenë arrestuan në flagrancë shtetasin A. D., 28 vjeç, banues në fshatin Bënçë, Tepelenë. Ky shtetas, në lagjen “Mustafa Matohiti”, në vendin e quajtur “Agjensia”, ka tentuar të vjedhë mjetin tip “Benz”, në përdorim nga shtetasi H. D., 53 vjeç, banues në Tepelenë, por menjëherë është vënë në pranga nga Policia. Materialet i kaluan Prokurorisë pranë Rrethit Gjyqësor Gjirokastër, për hetime të mëtejshme.
