Ish-deputeti i LSI-së në Gjirokastër, Vangjel Tavo, shprehet i shqetësuar për mungesën e vaksinës antiCovid në Shqipëri. Ai akuzon qeverinë, e cila sipas tij e ka mendjen te koncensionet që zhvasin popullin.
“Ka nisur vaksinimi kundër Covid-19 në vendet e BE dhe më gjerë. Ndërsa qeveria shqiptare vazhdon me propagandë, me PPP, tendera dhe projekte imagjinare në 3D. Duhet një qeveri e popullit, nga populli dhe për popullin. Jo një sekt arrogant, i paaftë dhe i papërgjegjshëm që ka vetëm një mision: të zhvasë sa më shumë popullin e vet, edhe në kohë pandemie, vetëm për të pasuruar veten dhe oligarkët e saj”, shkruan Tavo në faqen e vet në Facebook.
