Një 75-vjeçar nga Izraeli vdiq nga një sulm në zemër rreth dy orë pasi u vaksinua kundër Covid-19. Lajmi është bërë i ditur nga Ministri i Shëndetësisë Cheyz Levz, i cili ka thënë se ka nisur hetimi për këtë çështje.
”Burri kishte vuajtur nga ataket kardiake në zemër edhe në të kaluarën, por megjithatë për vdekjen e tij ka nisur hetimi,”-ka thënë ministria.
Burri u vaksinua rreth orës 8:30 në klinikën Clalit. Ai qëndroi aty për një kohë të shkurtër, për të siguruar që nuk kishte efekte anësore. Kur ai u ndje mirë, u la që të largohej por vetëm pak orë më pas, pësoi atak në zemër dhe ndërroi jetë.
Ditën e sotme, Izraeli ka vaksinuar 380,000 qytetarë me dozën e parë të vaksinës së koronavirusit. Ndërsa, sipas Ministrit të Shëndetësisë Yuli Edelstein, 99,000 njerëz u vaksinuan ditën e djeshme.
